Vos
poèmes

EN LENGO PROUVENCALO
(proumièro partido)

1/ Dins aquelo partido doù Luberon
Ai vougu que revieùron li Traditioun.
Touti eron pas au despart emé ieù
Mai, erian noumbrous a fourma lou troupeù.
2/ M’an ségui voulountié dins ma foulio,
Semblavon urous de retraça la vido
Di rèire, de manteni lis usanço
Doù Païs, per lou biaïs di cant, di danso.
3/ S’aventurian toutis ensèn, courajous,
Ajuda d’èli, vesieù pas li jalous
Marrid, que de touto part m’atacavon,
Criticant lou group, de ieù se garçavon.
4/ Me sieù descarcassado de tout coustat
A desbrouia d’eici, me debatre d’eila,
Me falié afrounta li, que doutavon,
Rasa lis ‘’agarus’’ que me frenavon.
5/ Dins aqueù fourfoui, me falié aplani
Li proublèmo qu’estrassavon ‘’Lou Païs’’.
Er’urouso per mis enfant, pamens,
E poudieù regarda Clouvis, fieramèn.
6/ Aurieù dégu saupre que li sentimèn
Li meiour, èron liuen d’estre sufisènt.
Que falié de tèms per faire assimila
Ço qu’avieù en testo, senso se pressa.
7/ Ai pas sachu douna ma passioun en dégun,
Ai descouraja mis très pichot un a un,
D’estre li manjo-foutraù n’en aguèron proun,
L’angouisso me prenié a chasqu’abandoun.
8/ Dins aquesto galèro, m’acroucàvé
A tout ço que me restié de valable :
Ana enjusqu’au bout de moun idèio
En esperènt qu’aquèlo, un jour, regrèio…
9/ Balin-balan ‘’Lou Païs’’ avançavo,
Ansin, la tregenc’anado arribavo,
Fatalo, crudèlo…Un velo negre
Espès toumbè, nègant tout dins li regret.
10/ Lasso, vulnerable, n’en proufitèron
Lis uns, lis autri se renfourcèron
Per desmoustra pertout, coum’ère laido,
Marrido…Me pourtèron l’estoucado…
11/ Estoumagado, desmoulido, tristo,
Assalido d’evenimèn dramatico
Dur, que dins ma famiho se sucedièn,
Me recrouquihave…Cresièu plus en rèn…
12/ Me disièu : -« De que servirié de parla ?
Dire qu’es de respèt quand vole m’esplica,
M’an en odi…Coumprène pas perqué
Soun dreissa émé forço…Sieù forto de moun dret ?...
13/ Sieù forto de moun dret … Es veraï ! Pecaïre !
Quouro siès souleto aco t’avanço gaïre,
Te siès visto ? …T’an ben escagassado !...
De que te resto d’aquèli dur’anado ?...
14/ Ren ! Pensièu, lou cor empli d’amaresso,
As tout douna en aquesto jouinesso,
Toun tèms, l’enavans per lis encouraja,
Te resto rèn…rèn que tis iue per ploura… »
15/ Li frapacioun dins la testo me venièn.
-« An resoun crése, sièu pu bono per rèn,
De tous tèms ai pas proun fa de courbeto ,
Trop inqièto per faire de riseto…
16/ Anen ! Aro, garce tout aco en l’er !
Te faù oublida ti pantai, tis esper,
La critico di gens, li marridarié,
Racrouca toun coustume e t’espoundre darié.

(fine de la proumièro partido)
*****************************